ONGs piden al Gobiernu que frene'l comerciu d'armes mundial, nel qu'España ye ún de los diez mayores esportadores

"Activistes d'Amnistía Internacional, Fundació per la Pau y Intermon Oxfam aconceyáronse güei frente al Ministeriu d'Asuntos Esteriores y de Cooperación en Madrid pa reclamar al Gobiernu midíes que frenen el comerciu d'armes nel mundu.

Unes gafes xigantes mostraben simbólicamente la necesidá de que les autoridaes fixen la vista na urxente necesidá d'adoptar un Tratáu Internacional que regule'l comerciu d'armes, torgando'l so descontrol.

A pesar de que'l Gobiernu español espresó'l so apoyu a la creación d'un tratáu, estes organizaciones consideren que l'Executivu tien de pronunciase públicamente y con firmeza na próxima xunta de la ONU.

Al traviés d'estes reivindicaciones busquen torgar que les armes se tresfieran a llugares del mundu onde s'utilicen en violación del derechu internacional humanitariu y los Derechos Humanos."