L'Asociación de Pescadores El Banzáu de Tinéu pon en marcha un proyeutu pa llimpiar los cauces fluviales

"L'Asociación de Pescadores El Banzáu de Tinéu va desarrollar una serie de llimpieces en dellos de los cauces fluviales que pasen pela xeografía asturiana. Esti proyeutu denomináu 'Escuadres Fluviales' desarróllase en collaboración col Ministeriu de Mediu Ambiente, Mediu Rural y Marín, según informó l'Ayuntamientu de Tinéu, al traviés d'una nota prensa.

Esti proyeutu tien por oxetu meyorar les condiciones ecolóxiques de los ríos asturianos y sensibilizar a la población na proteición d'estos hábitats de tanto valor natural que son mui sensibles a l'aición del home.

La primer d'estes xornaes va realizase mañana sábadu, día 20 de setiembre, y va tener por escenariu el ríu Narcea, más concretamente, l'área ente los embalses de Calabazos y Pilotuerto, en términos del conceyu de Tinéu. Estes aiciones tán abiertes a la participación de cualquier voluntariu que quiera participar. Pa ello, la organización concretó un puntu d'aconceyamientu a les 10.00 hores na Plaza del Ayuntamientu de Tinéu, dende onde los voluntarios van salir pa Casa Enrique de Piltuerto, llugar marcáu como'l segundu puntu d'aconceyamientu a les 10.30 hores. Con esto, toles persones interesaes en participar, puen integrase nos grupos en cualquier de los puntos referíos.

Toles persones participantes, van contar con un seguru d'accidentes y de responsabilidá civil polo que va ser necesario facilitar los datos a la organización previamente a entamar los trabayos.

A les 14.00 hores, dempués de la xornada matinal, los voluntarios van disfrutar d'una comida pa volver entamar los llabores a les 16.00 hores, acabando la xornada a les 19.00 con una espicha."