Ecoloxistes aseguren qu'Avilés "sigue siendo la comarca más contaminada d'Asturies"

"El Colectivu Ecoloxista d'Avilés fizo públicu güei un comunicáu, ante les xestiones pa retirar a la ciudá la etiqueta d'atmósfera contaminada, nel qu'asegura que la comarca sigue ""siendo la más contaminada d'Asturies"". El Principáu aprobó esta selmana retirar la calificación a Llangréu.

Según los datos aprotaos pol colectivu ecoloxista, Llangréu presentó nel últimu añu 2007 una media en PM10 de 55 ug/m3, en partícules na so peor estación, mientres que n'Avilés esi datu foi de 73ug/m3, lo que representa un 33 por cientu más, y hai díes que se supera la llende de 186 en Llangréu polos 266 n'Avilés, lo que representa un 43 por cientu más. ""Resulta evidente lo diferente que son dambes calidaes"", caltienen los ecoloxistes.

Pal colectivu, Avilés ""tien el peor aire de la rexón, qu'a la so vez ye ún de los peores aires d'España"". Poro, considera que ""dicir que nesti momentu sólo existen dalgunes superaciones pa partícules ye una falsedá manifiesta"", al alegar que ""avilés presenta de manera continua valores disparaos d'acordies col actual marcu llegal"".

El colectivu nun tien duda de que ""como nel casu de Llangréu, n'Avilés van tener la complicidá del Principáu que va dar toles facilidaes pa rebaxar el grave problema de contaminación del aire de la comarca, cuando en toos estos años les cuatro estaciones de la ciudá presentaron valores escandalosos""."