Perú va contar con un consuláu n'Uviéu enantes de final d'añu

"El Gobiernu peruanu va abrir un consuláu n'Uviéu, enantes del final del presente añu, según anunció güei'l cónsul xeneral de Barcelona, y xefe de Servicios Consulares d'aquel país, Miguel Palomino. La puesta en marcha de la oficina ta pendiente del visto bonu del rei d'España, Juan Carlos de Borbón.

Palomino realizó esti anunciu en declaraciones a Europa Press, tres la so llegada a Uviéu p'asistir esta tarde al desfile del Día d'América n'Asturies que va celebrase na capital asturiana nel marcu de les fiestes de San Mateo. Nel actu, el so país va tener una representación destacada.

Palomino atribuyó la escasa conocencia n'Asturies de la cultura peruana a la falta d'esta instancia alministrativa n'Uviéu. ""Ye un déficit que tamos solucionando. Entiendo qu'enantes de fin d'añu vamos venir a inaugurar esti consuláu honorariu del Perú n'Uviéu con xurisdicción nel Principáu d'Asturies"", esplicó.

Segú matizó la cuestión ""ta en consulta col rei, que ye'l que va tener que dar el vistu bonu, pero'l procesu ta bastante avanzáu, y ye cuestión d'esperar la decisión y inaugurar la oficina"".

El cónsul calcula que nesti momentu hai ente 2.500 y 3.000 peruanos residente en toa Asturies, con un nucleu central, unos 2.000, qu'habita nos grandes nucleos poblacionales, Xixón, Uviéu y Avilés. Añadió tamién que dende hai unos años notóse la llegada a Uviéu d'un ""segmentu nuevu que ta conformáu por estudiantes que vienen a realizar carreres y doctoraos"". Punxo como exemplu a la reina del desfile del Día d'América d'esti añu, Karen Peña, estudiante de Derechu na capital asturiana.

Definió a la comunidá peruana como ""mui antigua, mui bien establecida, mui trabayadora"" y dixo d'ella que se ""distingue d'otres comunidaes, que nun apaez como problema, sinón más bien que s'integra y s'integró siempre"".

INVITACIÓN A INVERSORES ASTURIANOS

Palomino fizo tamién una invitación a empresarios asturianos a viaxar al so país, y apostar por invertir ellí, especialmente en sectores d'infraestructures y construcción. ""Que vayan ellí y entiendan que ye una bona opción y una economía sólida. Que nun ye país de riesgu, sinón aptu pa la inversión"", añadió. ""Yo faigo invitación a tou asturianu que quiera apostar por Perú"", añadió.

Según esplicó, yá ""hai una emigración d'España hacia Perú, particularmente inversionista, sobre too na construcción, porque en Perú ye un sector creciente. Agora esto espertó, y vense tou tipu de máquines que construyen infraestructures y pisos. Hai una participación importante de catalanes y madrilanos""."