BCE y Fed lideren una aportación coordinada de lliquidez de seis bancos centrales por 180.000 millones de dólares

"El Bancu Central Européu (BCE), la Reserva Federal Estaounidense (Fed) y los bancos centrales d'Inglaterra, Canadá, Xapón y Suiza, anunciaron güei que van desarrollar una aición coordinada p'aportar lliquidez nos mercaos financieros internacionales por importe de 180.000 millones de dólares (125.543 millones d'euros), informaron güei los reguladores.

Asina, el Comité de Mercáu Abiertu de la Fed autorizó una ampliación de los sos acuerdos recíprocos temporales ('swap line') con otros bancos centrales, lo que permite suministrar mayor lliquidez a los sistemes financieros gracies a la aportación de 180.000 millones de dólares (125.543 millones d'euros).

La Reserva Federal estaounidense incrementó les actuales llinies, colo que se duplica la provisión de lliquidez en dólares hasta 110.000 millones de dólares (76.720 millones d'euros), nel casu del BCE y hasta 27.000 millones de dólares (18.800 millones d'euros) pal Bancu Central de Suiza, 15.000 millones de dólares más (10.460 millones d'euros).

Amás, les nueves llinies suponen aportar lliquidez en dólares nos mercaos financieros. ""Los bancos centrales siguen trabayando xuntos de cerca y vamos tomar les midíes oportunes pa facer frente a les presiones en cursu"", indiquen nun comunicáu.

Amás, esta iniciativa, xunto con otres aportaciones de lliquidez adoptaes nos últimos díes polos distintos bancos centrales, ""tán diseñaes pa meyorar les condiciones de lliquidez nos mercaos financieros mundiales"".

110.000 MILLONES DE DÓLARES NA EUROZONA.

El Conseyu de Gobiernu del BCE indicó que decidió ""reforzar la so aición conxunta"" cola FEd pa realizar les operaciones de financiación del eurosistema en dólares y aumentar les cantidaes ofrecíes nel plazu de subasta.

En función d'esti acuerdu, la FED va prestar al Bancu Central Européu hasta 40.000 millones de dólares (unos 27.800 millones d'euros), según los términos del so acuerdu temporal recíprocu ('swap line'), de manera que'l saldu vivu de la lliquidez en dólares nel Eurosistema va pasar d'unos 50.000 millones de dólares actuales (34.800 millones d'euros) a un total de 110.000 millones de dólares (70.000 millones d'euros).

Esta iniciativa va prollongase ""demientres el plazu que seya precisu"", y compónse de 25.000 millones de dólares (17.400 millones d'euros) pa operaciones de vencimientu a 28 díes y 15.000 millones de dólares (10.400 millones d'euros) pa les que tienen un plazu a 84 díes.

A lo llargo de la última selmana, los bancos centrales realizaron intervenciones individuales p'aumentar la lliquidez nos sos mercaos y amenorgar asina les tensiones surdíes ante les elevaes presiones surdíes de magar la situación n'Estaos Uníos."