EasyJet esclaria que va caltener na temporada d'iviernu la conexón d'Asturies con Londres

"La compañía aérea easyJet va caltener les conexones dende Asturies con Londres na temporada d'iviernu, qu'entama de magar el 27 d'ochobre y termina en marzu, según fontes de la empresa consultaes por Europa Press. La compañía anunció a primer hora d'esta mañana que diba dexar de trabayar n'Asturies, incluyendo la ruta de Londres, información que dempués foi correxida poles mesmes fontes señalando que va caltenese.

D'esta manera, los vuelos a Londres van ser los únicos qu'easyJet funcione dende'l Principáu na temporada d'iviernu, dao que decidió suspender de magar la citada fecha les conexones con Madrid y Xinebra.

Los motivos son sólo ""comerciales"", una vez que la compañía estudiare la viabilidá d'operar dende Asturies. Tres analizar les distintes alternatives, decidió dexar d'operar dende l'Aeropuertu d'Asturies, anque nun descarta volver facelo nel futuru.

En tou casu, la compañía garantiza'l vuelu a toles persones que mercaren yá billetes d'easyJet pa volar dende Asturies demientres estes feches."