Ecoloxistes n'Aición va recurrir la decisión d'eliminar la declaración de zona d'atmósfera contaminada de Llangréu

"Ecoloxistes n'Aición va recurrir la decisión d'eliminiar la declaración de zona d'atmósfera contaminada de Llangréu por entender que nun se tuvieron en cuenta les alegaciones que dende'l colectivu se presentaron al procedimientu.

La organización considera que, por razons xurídiques, nun ye posible dicha descalificación porque'l decretu nel que s'ampara la mesma quedó derogáu. En segundu llugar, por razones ambientales, ""ante la situación xeneralizada de superación de los niveles llegalmente establecíos"".

Los ecoloxistes aseguraron que, nuna decisión como ésta los datos de Llangréu tán en niveles ""normales"", ""puesto que n'Asturies, como n'otres comunidaes, lo normal ye incumplir la llexislación sobre la calidá del aire"".

Poro, recordaron nun comunicáu que la situación ""obligó"" al Conseyu de Ministros a aprobar una nueva Estratexa Española de Calidá del Aire, lo qu'incluye una Llei de Calidá del Aire y Proteición de l'Atmósfera; ""ante la pasividá de les autoridaes autonómiques nel cumplimientu de la llexislación""."