El preciu de la lleche de los productores asturianos baxó un 14% nos siete primeros meses del añu, según Prolec

"El preciu del lleche baxó cerca d'un 14 por cientu pa los productores asturianos demientres los siete primeros meses del añu. Asina, los ganaderos asturianos precibieron el pasáu mes de xunetu una media de 0,397 euros por llitru de lleche, lo que supón un descensu del 13,7 por cientu en comparanza con xineru del 2008 cuando cobraben una media de 0,46 euros, según los últimos datos de la Federación Españoles d'Empresarios Productores de Lleche (Prolec).

Asina y too, los precios al productor n'Asturies fueron el pasáu mes de xunetu llixeramente superiores a la media nacional (0,394 euros) y iguales qu'en Cantabria. Amás, tuvieron penriba d'otres comunidaes como Galicia (0,375 euros), Aragón (0,38 euros), Navarra (0,39 euros), Castiella La Mancha y Madrid (dambes con 0,394), y Castiella y Llión (0,393 euros).

Sin embargu, los precios de la lleche de los ganaderos fueron superiores n'Andalucía y Cataluña, onde'l llitru cobróse en xunetu a 0,419 y 0,404 euros, caúna.

Son datos facilitaos por Prolec demientres la celebración, nel Mercáu Nacional de Ganaos de Torrelavega, de les VI Xornaes de Formación Schering-Prolec, y que contaron cola collaboración de l'asociada de Prolen en Cantabria, Aeplac, y los llaboratorios Intervet Schering Ploguh.

Demientres les xornaes, a les qu'asisiteron más de mediu cenentar de productores de lleche procedentes de zones cántabres con mayor concentración ganadera, el director de Prolec, Carlos Gil, consideró que pa meyorar esta situación na que los precios al productor son inferiores a los costes de producción (que tienen una media de 0,43 euros) ""el ganaderu tien que tomar un papel activu na regulación del mercáu de la lleche"", dalgo que, según dixo, ""pasa pela unión de tolos empresarios productores de lleche n'Europa""."