China informa de que polo menos 6.244 recién nacíos resultaron intoxicaos pol lleche adulterao

"China informó güei de que polo menos 6.422 recién nacíos resultaron intoxicaos nel país por mor de lleche maternizao adulterao con melamina, y que 158 d'ellos sufren un ""fallu agudu de reñón"", informaron los medios llocales en declaraciones recoyíes por Europa Press.

El ministru de Sanidá, Chen Zhu, ofreció esta información nuna rueda prensa. De momentu ta confirmada la muerte de tres de los neños por mor de piedres nel reñón. Ayeri'l Ministeriu de Sanidá chinu comprometióse a ofrecer asistencia mélica de baldre a los recién nacíos afeutaos, cuando'l númberu de víctimes contábase sólo en carca d'ún millar.

Cuatro funcionarios y un xefe de la empresa responsable fueron despidíos pol escándalu, que llevó a miles de pas a viaxar a Hong Kong, pa poder mercar lleche fabricada nel estranxeru. El viceministru de Sanidá, Ma Xiaowei, ya pidió a los hospitales que se concentre na empresa y na previsible avalancha nos centros de pas alarmaos colos sos pequeños.

""Los hospitales deberán facer tolo que tea nes sos manes pa dar rempuesta al aumentu de pidimientos de diagnósticu y tratamientu, porque'l númberu de pas que puen llevar a los sos fíos pa face-yos un chequéu pue aumentar nel futuru"", declaró Ma nuna Teleconferencia tresmitida a departamentos de Salú y Seguridá Alimentario de tol país, según informa l'axencia oficial Xinhua.

Según Ma, tolos recién nacíos alimentaos cola lleche de Sanlu demientres más de tres meses tán sufriendo agora cálculos renales y hai que tratalos con urxencia. El Ministeriu tamién prometió crear un sistema específicu nos próximos díes pa facilitar la comunicación y capacidá de respuesta ente los departamentos llocales y les axencies nacionales.

Según Xinhua, Sanlu tuvo noticia de que'l so lleche venceyábase a piedres renales en recién naciós el pasáu marzu, pero nun aplicó nenguna midida cola esperanza de que la noticia nun saltare a los titulares.

Y, según denunció'l periódicu 'Nanfang Daily', l'axencia china encargada de supervisar la seguridá alimentario foi alertada, al traviés de la so web, a finales d'esi mesmu mes, pero tampoco se tomaron midíes."