El PSOE pide al Ayuntamientu d'Uviéu que conseñe los intereses derivaos de la espropiación d'Olloniego

"El grupu municipal socialista nel Conceyu d'Uviéu pidió güei al equipu de Gobiernu que conseñe los intereses derivaos de la espropiación del conxuntu históricu d'Olloniego. Los socialistes dieron a concer, nel trescursu d'una rueda prensa, l'informe de la espropiación del Tribunal Superior de Xusticia que cifra los intereses en más de siete millones d'euros.

Al mesmu tiempu, l'informe da la posibilidá al Conceyu de presentar un recursu contenciosu alministrativu escontra'l dictame del Tribunal Superior de Xusticia d'Asturies.

""Paezmos bien que se recurra y que'l Conceyu defenda los sos intereses si hai una base llegal"", afirmó'l conceyal socialista Alfredo Carreño, al tiempu qu'encamentó al equipu de Gobiernu a conseñar los intereses pa ""evitar"" qu'Olloniego torne ""n'otra Villamagdalena"".

En concreto, los socialistes cifraron en 7,5 millones d'euros la cantidá que diba tener que conseñar l'Ayuntamientu pa dexar de pagar los intereses d'Olloniego.

Según los socialistes, si la Casa Conceyu tuviere razón nes sos reclamaciones diba tener que pagar 500.000 euros. ""Si'l Conceyu reclama, sólo pue aforrar mediu millón d'euros"", aseguró Carreño, quien volvió insistir na conformidá del PSOE con esa reclamación del Ayuntamientu.

""Si hai base llegal l'Ayuntamientu fai bien en reclamar, pero que conseñe los intereses"", acabó."