La CHC invirtió nel 2007 nel Principáu 1,6 millones en restauración, caltenimientu y llimpieza de cauces

"La Confederación Hidrográfica del Cantábricu (CHC) realizó nel 2007 n'Asturies 111 actuaciones en materia de restauración caltenimientu y llimpieza de cauces que sumaron 1.622.1888 euros. En total, esti organismu invirtió nel conxuntu de les provincies qu'abarca cuatro millones (3.999.611,69 euros), según consta nel Plan d'Actuación de la Confederación consultáu por Europa Press.

Al marxe d'Asturies, la Confederación realizó 22 actuaciones en Cantabria por importe de 214.000 euros; cinco en Burgos (108.441 euros); 34 en Llión (668.558 euros); seis en Lugo (226.988 euros; 12 en Navarra 8283.956 euros); 25 n'Orense (508.844 euros); y 15 en Pontevedra (365.933 euros).

Los trabayos realizaos nel 2007, que dieron continuidá a los fechos nel 2005 y el 2006, enmárquense dientro del proyeutu de Conservación y Meyora del Estáu del Dominiu Públicu Hidráulicu na Confederación. Estes actuaciones permitieron dar una ""rápida respuesta"" a problemes puntuales existentes nos cauces, tales como acumulación de sólidos, taponamientos, escesos de vexetación, presencia de basoria, eliminación de barreres tresversales al cauce y d'infraestructures en desusu.

Nesti sen los trabayos efeutaos encamináronse en xeneral, a meyorar la capacidá de desagüe del ríu. D'esta manera evitáronse o reduxéronse na midida de lo posible, les afeiciones por inundación a les persones, construcciones, instalaciones y bienes asitiaos nos terrenos próximos a los cauces.

De la mesma manera, se realizaron actuaciones enfocaes a la proteición de marxes con utilización de téuniques de bioinxeniería, y prestáronse una especial atención a la eliminación de preses correspondientes a aprovechamientos en desusu y otres estructures asitiaes nel dominiu públicu hidráulicu, con oxetu de recuperar les condiciones naturales d'esos tramos de cauce y facilitar la continuidá tresversal de la dinámica d'acarriamientos y de la fauna psicícola.

Según l'informe de la CHC, estos trabayos de conservación y caltenimientu permiten correxir situaciones que, de prollongase nel tiempu, puen acabar en ""mayores afeiciones y costes superiores"" non sólo dende'l puntu de vista económicu, sinón tamién social y mediuambiental.

Nel añu 2007 incorporóse al programa d'acondicionamientu de cauces un equipu de Tragsa compuestu por un llicenciáu en Ciencies Ambientales, un llicienciáu en Bioloxía, un inxenieru de montes y un inxenieru agrónomu, que participen na priorización de los trabayos y nel desarrollu de les mesmos, cola supervisión del Serviciu d'Estudios Medioambientales y Hidrolóxicos de la Confederación."