L'Ibex déxase un 3,55% a media sesión y algama'l so nivel mínimu de los últimos dos años

"El parqué madrilanu continuaba'l so desplome a media sesión, con un recorte del 3,55% qu'asitiaba al Ibex 35 nel nivel de los 11.007,40 puntos, el nivel más baxu dende xunu del 2006, arrastráu pol descensu de tolos valores del selectivu, y n'especial la banca, tres la intención del bancu d'inversión estaounidense, Lehman Brothers de declarar la bancarrota.

Los espertos aseguren que'l pánicu volvió apoderase de los mercaos ante un posible agravamientu de la crisis crediticia, anque sorrayen que los parqués yá descontaron esti tipu de noticies, polo que les cayíes de güei constituyen sólo una reaición darréu ante esti nuevu anunciu, polo que van volver recuperase cuando la situación se tranquilice.

L'Índiz Xeneral de la Bolsa de Madrid, pela so parte, cayía un 3,50%, hasta asitiase nel nivel de les 1.184,45 unidaes. N'Europa, los principales indicadores tamién se deplomaben y París dexábase un 4,43%, sigíu de Francfort, con un 3,34%.

Nel sector de la banca, el mayor descensu yera pa Bancu Popular (-4,31%), siguíu de Bancu Sabadell (-4,24%), BBVA (-4,13%), Santander (-3,53%), Banesto (-3,52%) y Bankinter (-3,17%).

El restu de los principales recortes yeren pa Ferrovial (-6,11%), Repsol YPF (-4,87%), Acciona (-4,65%), BME y Técnicas Reunidas (-4,51%). Telefónica, pela so parte, dexábase un 2,64%.

Nel mercáu de divises, l'euru pierde de nuevu posiciones frente al dólar y a media sesión el cambiu ente les dos monedes quedaba fixáu en 1,4229 unidaes."