Presentación na Arribada de "Dos visiones asturianes de les nueves tecnoloxíes"

"Esti martes a les 17.00 hores nel Antiguu Institutu Xovellanos de Xixón, dientro de les actividaes de l'Arribada, preséntase'l llibru ""Dos visiones asturianes de les nueves tecnoloxíes"" de Xabiel García Pañeda y Rubén Sánchez Antuña. Esta obra ta editada por Araz Llibros.

Nesti llibru dambos autores espliquen al traviés d'una serie d'artículos el cambiante mundu de les nueves tecnoloxíes. Dende la telefonía móvil hasta la TDT, pasando pel intercambiu d'archivos na rede o l'usu de la nuesa llingua n'Internet.

Nesta xornada ún de los autores, Rubén Sánchez Antuña, va dar tamién una conferencia a les 17.30 titulada ""L'asturianu na web 2.0"". Darréu d'ello va haber una tertulia col títulu ""La bloguesfera n'asturianu"" na que van intervenir Fernando de la Fuente, del canal de Blogues d'Asturies.com, amás d'Iris Díaz Trancho, Ricardo Candás, Xandru Fernández, Xulio Nel Fueyo, Humberto Gonzali, Lluis Portal, Pablo Texón y Próspero Morán."