Preséntase na Arribada'l llibru "Llingua estándar y normalización llingüística" de David Guardado

"Dientro de l'Arribada 2008, el filólogu David Guardado va presentar la so obra ""Llingua estándar y normalización llingüística: la revitalización de les llingües subordinaes"", editáu recientemente por Araz Llibros. Va ser esti domingu a les 12:30 nel Antiguu Institutu Xovellanos de Xixón.

Nesta obra'l David Guardado describe los distintos procesos de creación d'un estandar llingüísticu y de normalización de les llingües non dominantes o minoritaries, analizando amás les causes y consecuencies que lleven arreyaos estos procesos na supervivenvia d'eses llingües. Pa ello cita como exemplos, ente otros, los procesos catalán o galés, anque nun escaez el casu asturianu.

Nesta xornada dominical tamién van presentase a les 11:00 l'""Atlas Sonoru de la Llingua Asturiana"" a cargu de Fernando Ornosa y Jesús Suárez, media hora mas tarde l' ""Atlas Toponímicu de Xixón"" por Ramón D'Andrés, y a les 12:00 ""Na punta la llingua"" a cargu del dibuxante Neto."