Lastra (PSOE) llama "irresponsable" al PP por "bloquiar" el procesu de reforma

"El voceru del Grupu Socialista na Xunta Xeneral del Principáu, Fernando Lastra, llamó güei ""irresponsables"" al PP, al qu'acusó de tar tentando de ""bloquiar"" la reforma del Estatutu d'Autonomía por anunciar que nun va dir a la próxima xunta sobre'l testu, prevista de primeres pal próximu llunes.

Lastra realizó estes manifestaciones demientres la rueda prensa qu'ofreció güei na sede de la Xunta Xeneral del Principáu nes que tachó al PP de ""fuerza política tracamundiadora, caótica y ensin oxetivos"", dempués de que los 'populares' asturianos decidieren ayeri paralizar l'acuerdu sobre la reforma del Estatutu.

""Basta recordar la última intervención d'Ovidio Sánchez na Xunta Xeneral, na que dixo sentise satisfechu por acordar el 99 por cientu de la reforma del Estatutu pa saber que ye una fuerza política contradictoria"", apuntó Lastra.

El diputáu socialista destacó que sólo queda por aprobar l'aspeutu que se refier a la capitalidá d'Uviéu, ""nel que'l PSOE y el PP tienendiscursos diferentes"", y dexó claro que ""l'acuerdu de Gobiernu ente'l PSOE y IX nun tien nada que ver cola reforma del Estatutu d'Autonomía"".

Nesti sen, el voceru socialista na Xunta Xeneral acusó al PP de ""dir a la escontra de los intereses xenerales de los asturianos"" al parar l'acuerdu de la reforma estatutaria y recordó a los 'populares' que p'aceptar o modificar dalgún acuerdu del estatutu se necesiten los tres quintos de la cámara.

Lastra acusó al PP d'utilizar ""el chantaxe"" pa ""bloquiar"" la reforma estatutaria y evitar que'l PSOE y IX reediten el pactu de Gobiernu pa garantizar la estabilidá política"", puesto que ""la coalición d'izquierda ye'l destinatariu privilexáu del PSOE"".

""Vamos siguir buscando un acuerdu de gobernabilidá con IX y nun vamos ceder a les presiones del PP porque somos una fuerza política seria y responsable que pretende garantizar la gobernabilidá nel Principáu"", añadió Lastra.

Sobre l'asuntu de la capitalidá d'Uviéu, el responsable socialista manifestó que ta a favor de que nel Estatutu s'espeye qu'Uviéu ye la capital del Principáu, pero nun ta d'acuerdu en que reciba sovenciones por ello, puesto que nun entiende que la capitalidá ""tenga nengún perxuiciu"", como defienden los populares."