Vecinos de L.lena van unviar una carta al Defensor del Pueblu poles molesties y el "descontrol" nes obres del AVE

"Vecinos de L.lena, constituyíos na plataforma 'El Mesqueiru', tienen previsto unviar al Defensor del Pueblu, una carta pa denunciar les molesties y el ""descontrol"" nes obres de la variante de Payares.

El colectivu va presentar mañana'l conteníu de la carta coincidiendo cola visita del presidente del Gobiernu, José Luis Rodríguez Zapatero, a les obres de la parte asturiana del túnel de Payares.

Los vecinos aseguren que les obres suponen ""un preciu altísimu medioambiental y social"", porque na so opinión cola llegada del AVE'l conceyu de L.lena tornó ""na puerta d'atrás d'Asturies"".

Nun comunicáu, los afeutaos aseguren que los ""numberosos valles y pueblos dañaos tán nuna situación insoportable pola contaminación d'agües por vertíos, desapaición de fontes y manantiales, ruiu, polvu y camiones pesaos"".

Insisten en que ""la situación ta descontrolada dafechu"", puesto que ""nun existe nengún control efeutivu independiente y continuu de les obres o de les actividaes auxiliares""."