Candamu yá tien aprobada la so toponimia oficial

Anguaño, 53 de los 78 conceyos asturianos tienen yá aprobada la so toponimia tradicional.

El Conseyu de Gobiernu autorizó güei'l decretu pol que s'aprueben los topónimos oficiales del conceyu de Candamu, siendo yá 53 de los 78 conceyos asturianos los que tienen aprobada la so toponimia tradicional.

La Xunta Asesora de Toponimia, van proponer llueu pa la so aprobación los decretos de toponimia de Peñamellera Alta, Tapia de Casariego y Tinéu. Tamién s'alcuentren en fase bien avanzada los espedientes de Cabrales, Llanera, Castropol, Cuaña, Les Regueres, Onís, Somiedu y Sotu'l Barcu.

Pela so parte, los conceyos de Cuideiru, Villayón, Ayande, Caravia, Ibias, Peñamellera Baxa, Salas, Santirso d'Abres y Uviéu tienen espedientes abiertos y en distintes fases de tramitación.