Asturies rexistró 77 incendios forestales n'agostu con una superficie calcinada de 108 hectárees

" Asturies rexistró'l pasáu mes d'agostu 77 incendios forestales con una superficie total calcinada de 108,63 hectárees, que na so mayor parte correspondieron con bardial y monte baxu.

Estes cifres caltiénensen na mesma tónica rexistrada'l pasáu añu con un total de 110 incendios nos meses de xunu, xunetu y agostu, sólo 14 más que nel mesmu periodu del 2007, según informó'l serviciu d'emerxencies 112-Asturies al traviés d'una nota prensa.

Los datos del 2007 fueron de los meyores del últimu deceniu al rexistrar un ""notable descensu"", tanto nel númberu d'incendios como na superficie afeutada, puesto que nesos tres mesmos meses se rexistraron 380 incendios forestales que calcinaron casi 871 hectárees.

En rellación al terrenu quemáu, un 84,32 hectárees calcinaes el pasáu mes correspondió con bardial y monte baxu, lo que supón caltener la media rexistrada nos meses de xunu, xunetu y agostu tanto d'esti añu como del 2007, cuando la superficie non arbolada afeutada pol fueu quedó sobre'l 77% del total calcináu.

L'ausencia de temperatures escesivamente altes, les midíes de prevención desarrollaes y la collaboración ciudadana, con un mayor respetu medioambiental, fueron otros de los factores que contribuyeron a caltener la tónica rexistrada n'Asturies el pasáu branu, según el 112-Asturies."