Catalunya va tramitar la llei de desconexón enantes del 1-O

Va crear un marcu llegal que sustituya al español si gana'l 'sí' hasta la celebración d'unes eleiciones constituyentes.

El Partit Demòcrata Europeu Català (PDeCAT), Esquerra Republicana de Catalunya (ERC) y la Candidatura d'Unitat Popular (CUP) rexistraron esta mañana la tramitación nel Parlament de Catalunya de la Llei de Transitorietat Jurídica, cola intención d'aprobala enantes del referéndum sobre la independencia del 1 d'ochobre. "Esta llei llexitima cuál será'l futuru de Catalunya", apuntó Lluís Corominas, presidente del Junts pel Sí y diputáu del PDeCAT, qu'esplicó que "hasta agora'l marcu xurídicu en caso de la victoria del 'no' yera nidiu", en referencia a una convocatoria d'eleiciones, pero non nel casu del 'sí'. Asina, con esta llei "créase un marcu xurídicu" pa esi escenariu, cola fin de que los ciudadanos y ciudadanes catalanes sepan "les consecuencies y los efeutos del so votu".

Nel casu de la victoria del 'sí', la Llei de Transitorietat Jurídica va tar activa mientres unos seis meses, periodu nel que se cuenta convocar les eleiciones constituyentes. D'éstes saldría una Cámara que redautaría la constitución catalana pa depués entamar unes llexislatives. Nel casu del 'no', nunca entraría en vigor.

Na semeya, Jordi Orobitg (ERC), Corominas (PPdeCAT) y Benet Salellas y Gabriela Serras (CUP).