L'Academia de la Llingua entrega los diplomes de los sos cursos añales

"El Rector de la Universidá d'Uviéu y la Presidenta de l'Academia de la Llingua piesllen oficialmente los XXVI Cursos de Branu. L'actu va ser esti xueves 11 de setiembre, a les 19:30 hores, nel Paraninfu de la Universidá d'Uviéu, asitiáu na cai San Francisco. Nos cursos participaron un centenar de persones nos cinco niveles que s'impartieron: Cursu Elemental de Llingua Asturiana, Cursu Avanzáu de Llingua Asturiana, Cursu de Capacitación pa la Traducción al Asturianu -toos tres inxertos nos Cursos d'Estensión Universitaria de la Universidá d'Uviéu-, los cursos Internet, nueves teunoloxíes y enseñanza del asturianu y la segunda fase del Curso de Capacitación en Gallego-Asturiano. A lo llargo del actu intervendrán el direutor de los Cursos de Branu, D. Xosé Antón González Riaño, la Presidenta de l'Academia, Dña. Ana Mª Cano González, y el Rector de la Universidá d'Uviéu, D. Vicente Gotor."