Ingrid Betancourt, galardonada col Príncipe d'Asturies de la Concordia

"Ingrid Betancourt foi galardonada col premiu Príncipe d'Asturies de la Concordia, fallu que se dio a conocer esti mediudía nel Hotel Reconquista d'Uviéu.

El xuráu consideró que la premiada ""personifica a aquéllos que nel mundu tán privaos de llibertá pola defensa de los derechos humanos y la llucha escontra la violencia terrorista, la corrupción y el narcotráficu"".

Nel acta, al que dio llectura'l presidente del Principáu y del xuráu, Vicente Álvarez Areces, destácase la ""fortaleza, dignidá y valentía"" coles que Betancourt s'enfrentó a seis años de ""inxustu secuestru"" y espresó la so solidaridá con ""toes aquelles persones que sufren les mesmes dramátiques y inalmitibles condiciones qu'ella sufrió, asina como con aquellos gobiernos que, igual que'l de la República de Colombia, trabayen pola consolidación del sistema democráticu y les llibertaes cíviques"".

La candidatura de Bentancourt foi apoyada polos miembros del Patronatu de la Fundación Príncipe d'Asturies Francisco Daurella y Fernando Masaveu, l'embaxador de Francia n'España, Bruno Delaye, el ministru Miguel Ángel Moratinos, y los premios Príncipe d'Asturies Muhammad Yunu, Vicente Ferrer, Enrique Iglesias, Fernando Henrique Cardoso, Umberto Eco, Anthony Giddens, Mary Ronbinson, Woody Allen, Simone Veil, Belisario Betancourt, Javier Pérez de Cuéllar, Václav Havel, Mário Soares, Jacques Delors, Nicolás Castellanos, Luis María Ansón y Juan Antonio Samaranch."