Llamazares pide que se convoque la mesa de negociación sobre la financiación autonómica

El voceru d'IX na Xunta cree que'l consensu ye imprescindible al depender d'ella bona parte del sostenimientu de los servicios públicos.

"Una vegada que yá se conoz l'informe de la comisión d'espertos sobre financiación autonómica, mui ampliu y con posibilidaes diverses, y yá que'l Gobiernu asturianu nun vio la necesidá de presentar una alternativa a dichu informe, paez imprescindible que s'ellabore por parte del Gobiernu asturianu una propuesta nos díes próximes y que se convoque la mesa de negociación política nel ámbitu de la comunidá autónoma pa recuperar el consensu políticu al rodiu la financiación autonómica", reclama Gaspar Llamazares. Na so opinión, esti consensu ye "imprescindible porque se trata de bona parte de la financiación de los servicios públicos asturianos, que ye necesario garantizar”, alvirtió.

D'igual forma, Llamazares rexistró na Xunta Xeneral entrugues pa la so respuesta escrita sobre cuála ye la posición del Executivu en rellación al documentu de la comisión d'espertos sobre'l modelu nuevu de financiación autonómica y cuála ye la so axenda pa retomar y actualizar l'alcuerdu políticu ne materia; y yá en particular, cuála ye la posición y alternatives del Gobierno sobre tributos, financiación de servicios públicos, indicador de población axustada y Fondo de Cooperación Interterritorial.