El Conceyu Universitariu pol Asturianu celebra la intención del decanu de Filoloxía de crear un 'mínor' d'asturianu

"El Conceyu Universitariu pol Asturianu (CUPA) celebró la intención del decanu de Filoloxía, José Antonio Martínez, adelantada por Europa Press, de crear a últimos del próximu mes de payares un 'mínor' d'asturianu, ""como solución atopada pa que la llingua tea nes enseñances reglaes"".

Dende'l puntu de vista del CUPA, espeyáu nun comunicáu, ""la propuesta del decanu va permitir un pasu históricu pal asturianu"", porque dexa ""abierta la posibilidá de que la propia demanda del enseñu d'asturianu na Universidá, convierta'l 'minor' nun 'maior' nun futuru"".

Esti colectivu ve ""más apropiao que l'asturianu tuviere asitiada dientro de los nomaos 'maior', pero somos conocedores de les dificultaes internes y esternes, que n'otres ocasiones yá echaron p'atrás les propuestes de reglar los estudios de Filoloxía Asturiana na Universidá d'Uviéu"".

Poro, camienta ""perimportante'l pasu d'asitiar al asturianu dientro de les enseñances reglaes al mesmu nivel qu'otres llingües oficiales"". ""Aguardamos agora que los planes del Decanu José Antonio Martínez tengan un bon desarrollu y l'asturianu dea esti pasu tan importante na so historia"", acaba'l comunicáu."