120 estudiantes deprenden inglés esti 2017 en Toronto

El programa d'ayudes permite desendolcar un cursu de cuatro selmanes na ciudá canadiana.

Un total de 120 estudiantes asturianos beneficiáronse esti añu de les ayudes pa la realización d'un cursu de llingua inglesa nel estranxeru qu'otorga la Conseyería d'Educación y Cultura. En concreto, 80 marcharon en xunetu y 40 van facelo esti mes.

Esta iniciativa, a la que la Conseyería d'Educación y Cultura destina 204.799 euros, ta empobináu a estudiantes matriculaos en segundu de Bachilleratu o nel mesmu cursu de ciclos formativos de grau superior de Formación Profesional inicial, enseñances artístiques superiores o enseñances universitaries conducentes al llogru de títulos de grau, llicenciatura, diplomatura, inxeniería, inxeniería téunica, arquiteutura y arquiteutura téunica. Asina, preténdese que los beneficiarios d'estes ayudes puedan algamar una meyor formación n'inglés que-yos prepare pa encarar los retos actuales.

L'ayuda consiste na diferencia resultante ente'l costu total del cursu y l'aportación económica de cada beneficiariu, que varia según seya becariu del Ministeriu d'Educación, Cultura y Deporte o non. Si cuenta con ayuda del Executivu estatal, l'estudiante apurre 600 euros y, si nun la recibe, 1.600. El Principáu financia la diferencia hasta algamar el costu total del cursu, que cubre vuelos, tresllaos, estancia, formación y escursiones.

Semeya obra de Wladyslaw baxo llicencia CC BY 3.0.