Un total de 51 candidatures de 21 nacionalidaes opten al Príncipe d'Asturies de la Concordia

"Un total de 51 candidatures de 31 nacionalidaes opten al Premiu Príncipe d'Asturies de la Concorida, fallu qeu va dase a concoer el próximu día 10 de setiembre n'Uviéu. Con esti galardón van pesllase los conceyos de los xuraos de la vixésimo octava edición de los Premios.

El Premiu Príncipe d'Asturies de la Concordia, según los estatutos de la Fundación, ""va concedese a aquella persona o insitución que desarrollare un llabor que contribuyere de manera exemplar y relevante al entendimientu y la convivencia en paz ente los homes, a la llucha escontra la inxusticia, la probitú, la enfermedá, la inorancia o a la defensa de la llibertá, o qu'abriere nuevos horizontes a la conocencia o se destacare, tamién de manera estraordinaria, na conservación y proteición del patrimoniu de la Humanidá"".

Les candidatures proceceden d'Alemaña, Arxentina, Birmania, Cabu Verde, Colombia, Chile, China, Ecuador, Exipto, Emiratos Árabes, EE.UU, Francia, India, Italia, México, Perú, Sudáfrica, Suiza, Urugay, Vietnam y España.

Los discutinios van entamse de magar les 18.00 hores del martes, día 9 de setiembre nel Hotel Reconquista d'Uviéu. El xuráu va tar presidíu pol xefe del Executivu asturianu, Vicente Álvarez Areces, y integráu por dalgunos de los miembros del patronatu de la Fundación Príncipe d'Asturies.

Los miembros van ser Matías Rodríguez Inciarte; Fernando de Almansa, Adolfo Barthe Aza, Antonio Brufau Niubó, JOSÉ Celma Prieto; Ramón Colao, Jacobo Cosmen Menéndez-Castañedo, apoderado de CMC XXI; Francisco Daurella, Juan Manuel Desvalls, Isidro Fainé, Pedro Luis Fernández; Paz Fernández Felgueroso, Francisco de la Fuente Sánchez, Juan Ramón García; Juan Luis Iglesias Prada, José Luis Méndez López; Fernando Menéndez Rexach, Marcelino Oreja Aguirre, Helena Revoredo de Gut, Ángel Ron Güimil, Román Suárez Blanco, Antonio Suárez Gutiérrez, Antonio Trevín, José María Villanueva, Santiago de Ybarra, Santiago Zaldumbide y Pedro de Silva.

Anteriormente otorgóse'l Premiu Príncipe d'Asturies de les Artes a les Orquestas Xuveniles e Infantiles de Venezuela, fundaes por José Antonio Abreu; el de Cooperación Internacional a les organizaciones qu'encabecen n'África la llucha escontra la malaria: l'Ifakara Health Research and Development Centre (Tanzania), The Malaria Research and Training Center (Mali), el Kintampo Health Research Centre (Ghana) y el Centro de Investigaçao em Saúde de Manhiça (Mozambique); el Premiu Príncipe d'Asturies d'Investigación Científica y Téunica, concedíu a los científicos Sumio Iijima, Shuji Nakamura, Robert Langer, George M. Whitesides y Tobin Marks, qu'encabecen la creación de nuevos materiales al serviciu de la humanidá; el de Comunicación y Humanidaes a Google; el Premiu Príncipe d'Asturies de Ciencies Sociales, otorgáu al filólogu y semiólogu francés d'orixe búlgaru, Tzvetan Todorov y el de les Lletres, a la escritora canadiense Margaret Atwood y el premiu Príncipe d'Asturies al tenista Rafa Nadal."