El 71 por cientu de los usuarios nun ve relevu xeneracional pa les bandes veteranes de la música asturiana

Pese a la esistencia de músicos de calidá y grupos con proyeición, el 71 por cientu de los llectores d’Asturies.com que participaron en 'Conceyu Abiertu' nun ve un relevu xeneracional a les bandes veteranes de la nuesa música. La escasez de conciertos y nueches celtes ye una de les razones qu’espliquen esta situación.

La entruga plantegada nesta ocasión yera ‘¿Hai grupos musicales mozos n’Asturies que puedan garrar el testigu de los más veteranos?’, a lo qu’un 71 por cientu respondió que ‘Non, la escasez de conciertos, nueches celtes y folixes torguen la evolución y promoción d’estes formaciones’, por un 29 por cientu que señalí que ‘Sí, hai bandes nueves con proyeición pa ser importantes nel futuru’. D’esta forma, los nuesos usuarios ven complicao qu’a curtiu plazu formaciones actuales puedan tomar el relevu de bandes como Dixebra, Felpeyu o Tejedor y algamar tan importante repercusión.

Dende esti momentu yá ye posible participar nun ‘Conceyu Abiertu’ nuevu. Nesta ocasión prestaríanos conocer la opinión de los nuesos llectores sobre’l Festival Aéreo de Gijón que tolos años abre un alderique pola presencia d’aviones y helicópteros militares nel cielu de Xixón.