El Gobiernu destina 2,5 millones pa un proyeutu de collaboración col pueblu saharaui

"El Conseyu de Gobiernu del Principáu celebráu güei n'Uviéu decidió aprobar un conveniu de collaboración cola Asociación Asturiana d'Amistá col Pueblu Saharaui pa la execución del programa 'Apoyu a la Causa del Pueblu Saharaui: Proyeutu d'Ayuda Almientaria, Meyora d'Infraestructures y Sensibilización n'Asturies', con presupuestu de 2,5 millones d'euros.

Según esplicó en posterior rueda prensa la conseyera d'Alministraciones Públiques y vocera del Executivu, Ana Rosa MIgoya, el conveniu tien por oxetu tratar de meyorar les condiciones de vida de los refuxaos de los campamentos de Tindouff mediante diferentes actuaciones, ente elles la distribución d'alimentos básicos, el caltenimientu del Centru de Mayores de la Wilaya de Dajla, la entrega de cinco camiones cisterna y un vehículu touterrenu, o la financiación de 40 viaxes añales de menores beneficiarios del programa 'Vacaciones en Paz'.

Tamién por pidimientu de la Conseyería de Presidencia, Xusticia y Igualdá, el conseyu autorizó la firma de convenios por un importe de 31.100 euros, con doce entidaes llocales pa la xestión de los Centros Asesores de la Muyer.

Trátase de los conceyos de Llangréu, Valdés, Siero, Mieres, Llaviana, Cangas del Narcea, Ayer, A Veiga y les mancomunidaes de la Comarca la Sidra, Valles del Osu, Cinco Villes y Conceyos d'Oriente."