Xueces pa la Democracia avisa de que la iniciativa de Garzón sobre les víctimes del franquismu "tien pocu futuru"

"L'asociación Xueces pa la Democracia (XpD) considera que la inciativa del maxistráu de l'Audiencia Nacional Baltasar Garzón d'ellaborar un censu colos desapaecíos na Guerra Civil p'abrir una posible causa ""tien pocu futuru"" dende'l puntu de vista xurídicu y apunta qu'esta cuestión debería resolvese nel ""propiu ámbitu políticu"".

Según esplicó a Europa Press el voceru de l'asociación, Miguel Ángel Jimeno, pa que'l xuez Garzón pudiere entamar aiciones ""diba tener de ser porque hai espectatives de qu'haya dalgún delitu que nun prescribiere y que tenga un autor que puea presumise que pue averiguase quién ye"".

Sin embargu, esplicó, ye ""bien discutible"" suponer que tamos ante ""delitos que nun prescriben"", porque deberíamos falar d'un delitu ""tipu de xenocidiu"" qu'amás nun prescribe dende la so incorporación a la llexislación española, dalgo ""muncho más tardío"". De la mesma manera, había que determinar ""quién ye'l suxetu o suxetos a los que se-yos puen exixir responsabilidaes"".

""LLAGUNES"" NA LLEI DE MEMORIA HISTÓRICA.

Poro, Jimeno señaló que la iniciativa del xuez nun tien ""nenguna salida"" dende'l puntu de vista xurídicu. Al so xuiciu, ye ""evidente"" que la Llei de Memoria Histórica ""tien llagunes"", pero estimó que nun deben ser resueltes pol Poder Xudicial, sinón pol Executivu, nel ""propiu ámbitu políticu"".

Pal voceru de l'asociación de xueces, nun tien sen que ""toa inxusticia que se produxera tenga que resolvela'l xuez"". ""El xuez pue resolvela cuando ye constitutiva de delitu, pero si nun hai manera de persiguir a naide en concreto y el fechu en que se realizó, si ye que se realizó, tampocu yera constitutivu de delitu, nun tien de ser"", sorrayó.

En cualquier caso, Jimeno calcó que JpD defende que los familiares de les víctimes ""tienen derechu a que s'averigüe"" ónde s'alcuentren los sos restos y que ""los gastos cuerran a cargu del Estáu"", que tien de ser quien ""lleve la iniciativa"".

""Esto que na Llei de Memoria Histórica nun quedaba bien claro o nun s'asumsió poles razones que fueren con contundencia bastante nun pue resolvese dende una perspectiva xurídico-penal"", insistió."