El 61% de los incendios forestales rexistraos hasta'l 24 d'agostu produxéronse nel noroeste peninsular

"Más de la metá de los incendios forestales rexistraos hasta'l 24 d'agostu produxéronse nel noroeste peninsular, en concreto, el 61,12 por cientu de los casos, qu'inclúi les comunidaes de Galicia, Asturies, Cantabria, País Vascu, Llión y Zamora.

Un 9,07 por cientu na rexón mediterránea y un 1,22 por cientu les Isles Canaries. Nes comunidaes interiores (les provincies del restu de comunidaes non costeres, menos Llión y Zamora), un 28,59 por cientu.

En total, el fueu arrasó casi 7.000 hectárees hasta'l 24 d'agostu en más de 9.000 incendios dende xineru del 2008, según los últimos datos proporcionaos pol Ministeriu de Mediu Ambiente, Mediu Rural y Marín (MARM) a los que tuvo accesu Europa Press.

Esta cifra débese principalmente al gran númberu d'hectárees calcinaes nos tres grandes incendios rexistraos esti mes. Concretamente, el de Zuera (Zaragoza) arrasó más de 2.000 hectárees. Hasta entós, nos siete primeros meses del añu rexistráronse otros ocho grandes incendios.

A pesar d'ello, dende xineru hasta'l pasáu día 24 d'agostu ardieron, en total, 32.812 hectárees, lo que supón el 0,127 por cientu de la superficie total, mientres que la media del deceniu nel mesmu periodu ye de 101.133. De fechu, de los últimos diez años, ésti ye nel que menos hectárees se calcinaron. Concretamente, l'añu anterior, quemaren, por estes feches, 64.213 hectárees, casi'l doble que nel 2008.

Nesti sen, el númberu de grandes incendios rexistraos esti añu baxó a tres mientres que la media del deceniu s'asitia en 24. Pel contrario, el númberu de siniestros foi superior nel 2008 que nel 2007, pasando de 6.286 a 9.073. 5.651 d'estos siniestros se catalogaron como 'conatos' (menos d'una hectárea afeutada) y 3.422 fueron consideraos incendios (una o más hectárees arrasaes)."