Coordinadora Ecoloxista solicita que se someta a estudiu d'impautu ambiental el Puertu L'Arena

"La organización coordinadora Ecoloxista d'Asturies solicitó güei a la Conseyería de Mediu Ambinete que'l proyeutu del puertu de L'Arena (Sotu'l Barcu) se someta a estudiu d'impautu ambiental. Asina, soliciten que se modifique la resolución publicada estin fin de selmana nel Boletín Oficial del Principáu d'Asturies na que la Conseyería nun considera necesario sometelu al trámite mencionáu.

La resolución del BOPA dicía, lliteralmente, que pa tomar la decisión final, se realizaron consultes a la Direición Xeneral de Biodiversidá y Paisaxe, Serviciu de Calidá del Agua, Serviciu de Planificación, Conceyu de Sotu'l Barcu, Direición Xeneral de Promoción Cultural y Política Llíngüística, Demarcación de Costes n'Asturies, Asociación Asturiana d'Amigos de la Naturaleza, Coordinadora Ecoloxista d'Asturies, Sociedá Española d'Ornitoloxía, WWF Adena y Ecoloxistes n'Aición.

Añadióse que demientres el periodu de consultes recibiéronse respuestes del Serviciu de Planificación, Serviciu de Mediu Natural, del Conceyu de Sotu'l Barcu, del Serviciu de Proteición y Réxime Xurídicu.

Sin embargu, según esplicó Coordinadora Ecoloxista güei, lo publicao ""falsia"" la realidá porque a los grupos ambientales que se-yos consultó al traviés d'una carta ordinaria recibida'l 30 d'abril na que se-yos pidía l'algame del estudiu d'impautu ambiental, pero nunca se-yos entrugó sobre la necesidá del trámite.

A xuiciu de Coordinadora, nun ye la primer vez que la Conseyería de Mediu Ambiente del Principáu d'Asturies como órganu responsable decide nun facer los correspondientes estudios del impautu ambiental de dalgunes obres escontra la opinión de los grupos ecoloxistes.

El proyeutu del Puertu de L'Arena alcuéntrase dientro del llugar d'Importancia Comunitaria (LIC) Cabu Bustu-Lluanco de la Zona d'Especial Proteición pa les Aves (ZEPA) homónima y poro dientro del ámbitu de la Rede Natural 2000."