Air Nostrum y easyJet van decidir nos próximos díes el futuru de dalgunes conexones que caltienen con Asturies

"Les compañíes aérees easyJet y Air Nostrum van decidir nes próximes selmanes el futuru de dalgunes conexones que caltiene col Aeropuertu d'Asturies, según fontes de dambes compañíes consultaes por Europa Press.

Dende easyJet señalaron que tovía siguen ""analizando'l mercáu"" pa ver si tienen viabilidá dalgunes de les sos conexones con Madrid y el vuelu con Xinebra. De momentu, según aseguraron ""nun hai nenguna decisión tomada"", a pesar de que la próxima campaña d'iviernu entama yá nel mes d'ochobre.

EasyJet yá dedició suprimir vuelos de la llinia Xinebra-Málaga y Basilea-Málaga nel so próximu programa d'iviernu, que se desarrollará dende finales del próximu mes d'ochobre al 29 de marzu del 2009.

La compañía de baxu coste tamién ofrez serviciu a otres zones españoles como Palma Mallorca, Madrid, Alicante, Asturies, Les Palmes de Gran Canaria y Ibiza, que tamién van ver modificaos los sos vuelos coles dos capitales europees.

Pela so parte, Air Nostrum espera facer públicu nunos díes, previsiblemente enantes de finales de selmana, el futuru de les conexones que caltién dende Asturies a Lisboa y París, según informaron fontes de la empresa a Europa Press. La compañía punxo en serviciu'l pasáu 25 de xunetu un enllace cola capital portuguesa col oxetivu de caltenelu hasta'l día 7 de setiembre.

Fontes de l'aerollinia evitaron precisar tovía si, como teníen previsto, van suspender la ruta de magar el domingu. La conexón cuenta con cuatro frecuencies selmanales.

En cuanto al enllace de París, la empresa abrió la posibilidá d'abandonar esta ruta, tres conocese la intención d'Air France d'enllazar el Principáu cola ciudá francesa. La filial de vuelos rexonales d'Iberia ya abandonó la ruta de Londres nel 2005, cuando l'aerollinia de baxu coste easyJet entamó a funcionar con vuelos ente Santiagu'l Monte y Stanted (Londres).

Air France tien previsto entamar la so actividá na terminal asturiana de magar el 28 d'ochobre con dos vuelos diarios."