El Gobiernu vascu va denunciar ante Estrasburgo la negativa del Executivu de Zapatero a celebrar la consulta

El 'lehendakari', Juan José Ibarretxe, anunció güei que'l Gobiernu vascu va denunciar ante'l Tribunal de Derechos Humanos d'Estrasburgo, la negativa del Executivu de Zapatero a celebrar la consulta. El propiu Ibarretxe y cáun de los conseyeros van presentar una demanda individual y pretenden que los ciudadanos vascos tamién lo faigan.

Nuna declaración tres el primer conseyu del Gobiernu vascu celebráu nesti nuevu cursu políticu nel palaciu Miramar de San Sebastián, el 'lehendakari', dixo que'l tripartitu va promover y apoyar "una iniciativa" pa demandar al Estáu español ante'l Tribunal d'Estrasburgo "por incumplir el Conveniu Européu de Derechos Humanos y Llibertaes Fundamentales", al prohibir que la sociedá vasca "se pronuncie".

D'esta manera, cáun de los miembros del Executivu autonómicu, incluyíu Ibarretxe, va formalizar la denuncia con carácter individual "porque son los ciudadanos los que tán llexitimaos pa poder realizar esta demanda".

El 'lehendakari' reclamó, amás, a los partíos políticos que seyan ellos los que xestionen, "con ilusión y fuerza, una iniciativa ciudadana" pa que los vascos puean presentar, de la mesma manera, esta demanda.