"Blima", seleicionáu pal Proyeutu "Runas"

"El grupu asturianu de folk ""Blima"" foi seleicionáu pa participar na fase final del ""Proyectu Runas"", iniciativa que surde dende la direición del Festival d'Ortigueira pa promocionar a los grupos mozos de música de raíz.

Les bandes finalistes, que fueron esbillaes por un sistema de votu al traviés de la Rede, van competir nun conciertu que tendrá llugar los díes 12 y 13 de xunetu nel propiu Festival.

Acompañando a ""Blima"", única representación asturiana na final, tarán les formaciones ""Sog"", ""Coanhadeira"", ""Pradairo"", ""Ophiusa"", ""Divertimento folk"" y ""Xúa"". El grupu asturianu actuará'l domingu 13 pela tarde.

El grupu seleicionáu podrá tocar, na próxima edición del Festival, nel escenariu ""Estrella Galicia"", asitiándose asina coldu con coldu con dellos de los meyores representantes del folk nacional ya internacional."