ERC pidirá que les televisiones faigan por esparder el plurillingüismu

"El grupu d'ERC va presentar na Mesa del Congresu, a solicitú del diputáu republicanu Joan Tardà, una proposición non de llei pa que'l gobiernu guarde porque les televisiones privaes ""contribuyan"" al plurillingüismu, dempués d'axuntase Telecinco al ""Manifiestu pola llingua común"".

En concreto, el grupu encamienta al Gobiernu a desarrollar la disposición adicional tercera de la Llei 10/2005 de Midíes Urxentes pal impulsu de la Televisión Dixital Terrestre, de Lliberalización de la Televisión per Cable y de Fomentu del Pluralismu, col fin de que les cadenes de televisión privaes ""contribuyan a fomentu y espardimientu"" de les llingües cooficiales d'aquellos territorios con una llingua distinta a la llingua española, según la proposición.

La llei afita un mandáu al Gobiernu d'apoyu al usu de les distintes llingües oficiales del Estáu al traviés de los canales axudicaos nes concesiones pa la prestación del serviciu públicu de TDT nel ámbitu de les comunidaes autónomes que les tengan reconocíes polos sos respeutivos estatutos d'autonomía.

El diputáu nel Congresu y vicepresidente d'ERC, Joan Ridao, anunció esti llunes la proposición y dixo que, coles últimes manifestaciones ""per parte de la derecha española a la escontra de la convivencia de les llingües"", prodúxose una ""confrontación ente los territorios que defenden el plurillingüismu y los que defenden la supremacía del castellán"", énte otres llingües.

Ridao, en nome del so partíu, criticó'l comportamientu de Telecinco, la cadena de televisión privada más vista en Cataluña, porque ""incumple"" la llei de pluralismu informativu de les televisiones."