El G8 comprométese otra vuelta a baxar les emisiones de carbonu

"Los cabezaleros del Grupu de los Ocho darán esti martes ""un pasu importante"" na llucha escontra'l cambiu climáticu, dempués de que los negociadores alcordaran un comunicáu conxuntu robláu nel conceyu que mantuvieron en Xapón.

""La Comisión Europea muéstrase optimista respecto al resultáu y eso significa un importante pasu comparáu con Heilingdamm"", onde'l Grupu de los ocho celebraron un conceyu'l pasáu añu.

La UE presionó a Estaos Xuníos pa dir más allá nel compromisu del 2007 n'Alemaña, teniendo que ""considerar seriamente"" la reducción de les emisiones de carbonu nun 50 por cientu pal 2050. xetivu ésti especialmente importante pal primer ministru xaponés, Yasuo Fukuda, que punxo'l tema climáticu nel centru de la discusión.

Poco enantes, el secretariu xeneral de la ONU, Ban Ki Moon, encamentó a los cabezaleros de los ocho países más industrializaos del mundu, aconceyaos con motivu del so conceyu añal en Hokkaido (Xapón) a adoptar midíes énte los tres principales retos que tien d'encarar el plantea a nivel global.

""El mundu enfréntase a tres crisis simultánees: una crisis alimentaria, una crisis climática y una crisis de desarrollu"", afirmó Ban en rueda prensa dende Hokkaido.

Pela so parte la canciller alemana, Angela Merkel, afirmó, dempués de la so reunión col mandatariu estaounidense, George W. Bush, que taba ""mui satisfecha"" col trabayu y la predisposición del Grupu en materia climática, alimentaria y de petróleu"".

L'encarecimientu del preciu de los alimentos y el so impautu nel mundu de la economía son cuestiones claves na axenda de los cabezaleros del G8."