El CAO presenta la so propuesta pal artículu IV del Estatutu

"Tal y como anunciara hai unes selmanes, el Conceyu Abiertu pola Oficialidá presentará esti llunes 7 de xunetu a les 18.00 hores, la so propuesta de reforma pal artículu 4 del Estatutu d'Autonomía. Esti artículu ye'l que fai una referencia direuta a la llingua asturiana, y nel so casu, nel que debería quedar conseñada la declaración d'oficialidá de la mesma.

Nel actu tamién tarán presentes persones independientes del mundu de les artes y la cultura asina como representantes de les organizaciones qu'integren el CAO.

Como vien siendo vezu, la convocatoria tendrá llugar ente la Xunta Xeneral del Principáu d'Asturies, onde aconceyarán los miembros de la ponencia estatutaria, a los que cuenta presentáse-yos la propuesta."