Un Club de Llectura n’Asturianu pa escolinos, iniciativa pal cursu viniente

La Direición Xeneral de Planificación Llingüística y Normalización va poner en marcha un Club de Llectura n’Asturianu pal cursu 2017-2018. Esta iniciativa va tar destinada tanto a escolinos y escolines de Primaria como de Secundaria y Bachilleratu.

Los centros van poder solicitar títulos que trabayar de la llista que va proporcionar Planificación Llingüística, con 15 a 25 exemplares de cada obra. Mientres 30 a 45 díes, van tar n’empréstamu pa la so llectura por parte de los alumnos de Llingua Asturiana y Gallego-asturiano.

D’esta forma preténdese fomentar la llectura ente los escolinos y, al empar, avezalos a tratar con testos na so llingua materna. Los maestros, nel trimestre caberu del cursu, van participar nuna  xornada  didáutica na que van presentar toles actividades feches sobre caúna de les llectures presentaes pol alumnáu.