Blanco sal en defensa de la diversidá llingüística

"El secretariu d'Organización del PSOE, José Blanco, alvirtió de que'l PSOE nun ta dispuestu a aceptar que s'usen les llingües cooficiales españoles pa ""semar España d'agravios"", como yá ""se quixo facer colos estatutos d'autonomía, coles infraestructures, col agua, o cola educación"" y defendió la pluralidá llingüística d'España como ""lo meyor"" del ""patrimoniu común"" español.

Na so intervención al entamar el 37 Congresu Federal del PSOE, que se celebrará hasta'l domingu en Madrid, Blanco sorrayó que'l partíu ""ve y siente a España como la mayoría de los españoles, como un espaciu de convivencia respetuosu coles distintes identidaes"" y un Estáu centralizáu como ""motor del desarrollu"".

Asina, alvirtió de que'l PSOE nun reconoz a ""naide'l derechu a sacar certificaos d'españolidá"" nin van consentir que s'enfrente a los españoles pol so llugar de residencia o pola so llingua. ""A los vieyos y nuevos uniformadores dicímos-yos que los españoles tamos uníos y queremos siguir tándolo precisamente porque nun tamos uniformaos"".

L'Estáu de les Autonomíes, recalcó, ""resultó ser la meyor solución al problema históricu de la unidá d'España"" y ""la meyor melecina escontra l'atrasu y la desigualdá territorial, que fueron consecuencia histórica del centralismu""."