Valledor condena les amenaces recibíes por Fernández de Castro

"El diputáu d'Izquierda Xunida-Bloque por Asturies-Los Verdes, Francisco Javier García Valledor condenó esti xueves, demientres una rueda prensa na sede parlamentaria, ""l'actitú de presión"" a les que se vio sometíu'l profesor de la facultá de Filoloxía Félix Fernández de Castro nel so despachu per parte de tres encapuchaos.

Fernández de Castro foi quien presentó la enmienda, que llueu foi aprobada por votación, cola que s'eliminaba la especialidá d'asturianu de la reforma de la titulación pa la so integración nel Espaciu Européu d'Educación Superior, como propunxera la decana de Filoloxía, Ana Cano, lo que motivó la dimisión de la responsable académica.

Al respeuto, Valledor reconoció tar ""radicalmente a la escontra"" de la postura del profesor pero considera que nun ye almitible que la llibertá d'opinión ""puea vese sometida a actos de presión""."