Compromís presenta una enmienda nel Senáu a los Presupuestos pa incluyir una partida pa l’ALLA
- Un senador de Compromís respuende en lleonés al presidente de la Diputación de Lleón
- Compromís pide al Gobiernu estatal midíes pa protexer l'asturlleonés en Lleón, Zamora y Salamanca
- Los diputaos de Xuníos Podemos, Compromís y ERC sofiten la oficialidá
- Refugaes nel Senáu toles enmiendes de sofitu a l'ALLA nos Presupuestos Xenerales del Estáu
|
14 Xunu, 2017 por Pablo R. Guardado
- Inicie sesión o rexístrese pa espublizar comentarios
La coalición valenciana Compromís presentó una enmienda nel Senáu a los Presupuestos Xenerales del Estáu pa incluyir una partida pa l’ALLA. Solicita 100.000 euros pa la institución académica “pa la promoción de la llingua propia de los asturianos y lleoneses”.
Tres pasar el trámite del Congresu, los Presupuestos Xenerales del Estáu aporten al Senáu pa la so aprobación, cola posibilidá de presentar enmiendes a los mesmos. Según informó Iniciativa pol Asturianu, coleutivu que vien trabayando dende hai tiempu n’algamar financiación estatal pa l’Academia de la Llingua Asturiana (ALLA), Xuníos Podemos, Foro y PSOE reclamaren na Cámara Baxa una partida pa la institución académica, que nun s’incluyó, y que lleva agora a Compromís a dar el pasu na Cámara Alta.
“Enmienda a los Presupuestos Xenerales pa que l’Academia de la Llingua Asturiana cuente con una partida, como la tienen otres comunidaes llingüístiques como la española, catalana, vasca y gallega, pa la promoción del idioma propiu de los asturianos y asturianes y lleoneses, y les sos variantes dialeutales”, reza’l testu presentáu por Compromís. Ésta nun ye la primer vegada que la coalición valenciana, de la mano del so senador Carles Mulet, tien xestos reales de sofitu al idioma.
Efrén d'Andrés
