"El Guah.e" da la cara pola oficialidá

"David Villa, ""el guah.e"" Villa, máximu goleador de la Eurocopa 2008, súmase a la campaña doilacara.net, portando'l cartelu ""Yo doi la cara pola oficialidá"" y sumando la semeya y, poro, la so imaxe, a la campaña entamada pol Conceyu Abiertu pola Oficialidá.

Esti sofitu, fechu pol futbolista namás ponsar el pie n'Asturies, nun fai más que confirmar l'enorme ésitu que ta teniendo una campaña qu'entamara hai un mes, y que nesti tiempu foi a sumar cuásique 3.500 semeyes, 15.000 visites al dominiu doilacara.net y 216.525 visualizaciones na galería de flickr.

Ente les cares conocíes que tán dando la cara pola oficialidá, rescamplen los políticos Gaspar Llamazares, Francisco Javier García Valledor, Pilar Fernández Pardo o Faustino Zapico. Asina mesmo, y dientro del mundu de la cultura, puen citase los nomes de Xosé Anxel Hevia, Chus Pedro y Manolo Penayos, Carmen Gómez Ojea o Xuan Bello, ente otros.

Según esplicaba'l CAO'l pasáu 3 de xunu al traviés d'un comunicáu, l'actividá consiste na ""recoyida masiva y esposición de semeyes individuales de persones col mesmu cartel"". Recoyida que va a mpliase demientres dure'lprocesu d'ellacoración del testu estatutariu."