De la Vega respuende al Gobiernu vascu que "la meyor norma sobre la llingua" ta na Constitución

"La vicepresidenta primera del Gobiernu, María Teresa Fernández de la Vega, respondió esti miércoles al decretu presentáu pol Executivu vascu pol que va obligase a los grandes comercios y empreses a atender n'euskera que la ""meyor norma en rellación a la llingua"" ta nel artículu 3 de la Constitución.

Nesti artículu queda conseñao que'l ""castellán ye la llingua española oficial del Estáu, y tolos españoles tienen el deber de conocela y el derechu a usala"". Amás, indica que ""les demás llingües españoles van ser tamién oficiales nes Comunidaes Autónomes d'acordies colos sos Estatutos"".

En rueda prensa nel Palaciu de la Moncloa, De la Vega afirmó que'l Gobiernu ""garantiza'l derechu de los ciudadanos a espresase na llingua oficial"" del país, el castellán, asina como nes llingües cooficiales nes comunidaes autónomes que les tengan.

Según sorrayó la vicepresidenta, ""la llingua nun ye un elementu de confrontación y nun pensamos que vaya haber nengún problema"" nel casu de l'aprobación del decretu del Gobiernu vascu, anque sorrayó que ""si lu hubiere, díbemos tratalu""."