El Muséu de Belles Artes inagura la esposición "Lugares de la modernidá"

"El Muséu de Belles Artes d'Asturies inagura la esposición ""Lugares de la modernidá"", en sustitución a la pesllada ""Corotiana. Paisaxes de Miguel Galano"". Ente les obres del catálogu rescamplen los nomes d'Oteiza, Antoni Tàpies y Miquel Barceló.

Amás d'estos pintores figuren obres d'artistes como Pablo Palazuelo, Juan Barjola, Carlos Saura, Joan Hernández Pijuán, Miguel Ángel Campano, Valerio Adami, Bernard Frize, Katharina Grosse, Ana Cristina Leite, y los escultores Miquel Navarro y Tony Cragg; amás los artistes asturianos tán representaos por Amador Rodríguez y Manuel Calvo.

Con esta esposición preténdese invitar a reflexonar sobre dalgunos de los bayurosos llugares a los que s'asoma la pintura y la escultura contemporánees nes últimes décades: l'astracción xeométrica, l'informalismu astractu, la nueva figuración, l'espresionismu y la pintura-pintura."