Pampiedra celebra'l so mercáu tradicional

Esti domingu con fragua, madreñeru, bisutería, cerámica, cueru, música y humor.

El IX Mercáu Tradicional de Pampiedra va contar con actividá dende'l meudía, cuando va tener llugar la inauguración con música del país. Los Gascones van encargase d'ambientar el llugar dende les 12.30 hores y hasta les 15 hores, mentes que pela tarde, de magar les 17.30 hores, l'humor va tomar el relevu de la mano d'El Maestru, el grupu de teatru de l'Agrupación Padre Coll y Pin de la Cotolla.

Mientres tola xornada tamién van entamase xuegos tradicionales pa la reciella y los socios de l'asociación de vecinos d'esta población llangreana, organizadora del mercáu tradicional, van poder recoyer el bollu y el vinu.