El PP asturianu robla'l "Manifiestu pola llingua común"

"El grupu parlamentariu popular na Xunta Xeneral del Principáu d'Asturies, al traviés del so voceru y presidente del Partíu Popular d'Asturies, Ovidio Sánchez, espresó esta selmana'l reconocimientu del so partíu al ""Manifiestu pola llingua común"" nel que se solicita al Parlamentu español ""una normativa llegal de rangu afayadizu que garantice los derechos educativos y cívicos de los que tienen el castellán como llingua materna o la escueyen, con tol derechu, como vehículu preferente d'espresión, comprensión y comunicación"".

Ovidio Sánchez, según informó'l PP al traviés d'un comunicáu, apoya y aplaude les declaraciones de Mariano Rajoy nes que manifestó, en dellos momentos, que'l grupu popular nel Congresu ""presentará una proposición de llei pa garantizar el derechu a usar el castellán en toa España""."