El Gobiernu asturianu prefier "nun pronunciase"

"La conseyera d'Alministraciones Públiques y vocera del Gobiernu, Ana Rosa Migoya, afirmó esti xueves que l'executivu nun va a referise a la dimisión de la decana de Filoloxía, Ana María Cano, nin a los motivos que la xeneraron, porque ye un asuntu que ta dientro del ámbitu universitariu y l'executivu ye ""mui respetuosu cola autonomía universitaria"".

Migoya retrucaba d'esti mou a los medios de comunicación na rueda de prensa que siguió al conseyu de Gobiernu. ""Nun hai valoración porque esta ye una cuestión que ta dientro del marcu de competencies de la Universidá d'Uviéu"", dixo la conseyera.

Migoya recordó amás que foi'l resultáu d'una votación democrática que'l gobiernu ""en nengún casu va a cuestionar""."