Iglesias rellaciona la dimisión d'Ana Cano col "retrocesu" nes polítiques rectorales

"El coordinador xeneral d'IX, Jesús Iglesias, manifestó esti xueves que'l ""retrocesu"" y la ""involución"" na política del nuevu equipu rectoral de la Universidá d'Uviéu que ""posiblemente"" seya una de les causes de la dimisión de la decana de Filoloxía, Ana María Cano.

Iglesias fizo estes declaraciones na rueda de prensa que tuvo llugar na Xunta Xeneral de Principáu, dempués d¡aconceyase col presidente de la Unión de Consumidores (UCE), Dacio Alonso, pa encarar dellos puntos de la reforma estatutaria.
El responsable d'IX nel Principáu espresó la so ""solidaridá"" cola presidenta de l'Academia de la Llingua Asturiana, llamentando la so dimisión. ""Ye un golpe mui fuerte pa la llucha por consiguir que la llingua asturiana seya llingua oficial nel Principáu"".

""La so dimisión faela más grande como persona y dignifica la so llucha en favor del asturianu"", apuntó Iglesias, añadiendo que la so dimisión ye una ""pésima"" noticia pa la Universidá asturiana y pa los que ""creen na llingua asturiana como llingua oficial del Principáu""."