Valledor califica de "inaceptable ya indignante" la decisión de la Facultá de Filoloxía

"El diputáu d'IX-BA-Verdes, Francisco Javier García Valledor, consideró que la decisión de la Xunta de la Facultá de Filoloxía de la Universidá d'Uviéu de suprimir la llingua asturiana como especialidá na nueva estructura académica ye ""inaceptable ya indignante y pon en cuestión si la Universidá ta al serviciu de la sociedá asturiana o al de los intereses falsos d'un pequeñu grupu de profesores"".

Al traviés d'un comunicáu, Valledor indicó que la universidá asturiana tien el so únicu sen y xustificación tando al serviciu d'Asturies y los Asturianos.

Poro, sorrayó que se prohiba que la llingua asturiana forme parte de la enseñanza reglada na Universidá ye ""inaceptable dafechu, asitiándose énte la posición del parlamentu asturianu y de la propia llegalidá vixente"". El diputáu d'IX-BA-Verdes solicitó amás la inmediata intervención del rector de la Universidá d'Uviéu pa que se corrixa esta situación que considera ""absurda ya incomprensible"", asina como la del conseyeru d'Educación, José Luis Iglesias Riopedre."