Madrid acueye'l Día de les Lletres nel Esterior

La xornada abre de manera oficial la XXXVIII Selmana de les Lletres Asturianes.

El Centro Asturiano de Madrid va ser la sede del Día de les Lletres nel Esterior, que va contar con delles actividaes a partir de les 20 hores, destacando la presentación del llibru editáu pola Conseyería d'Educación y Cultural con motivu de la gran fiesta de la nuesa lliteratura, de nome 'Escritores asturianes. Antoloxía de testos n'asturianu y gallego-asturiano'. Les autores Lurdes Álvarez, Sofía Castañón y Sabela Fernández van participar darréu nun alderique sobre esta espublización.

Una actuación musical d'Anabel Santiago y la representación del sainete 'Llíu', de José Ramón Oliva, a cargu del grupu de teatru Señaldá, completen les actividaes d'esta xornada que tien l'oxetivu d'homenaxar xunto cola emigración les nueses lletres. L'añu pasáu esta celebración entamóse en Buenos Aires.