Los alumnos del IES Cristo del Socorro ganen el "I Certame Promocional de la Mancomunidá del Cabu Peñes"

"La Mancomunidá d'El Cabu Peñes va presentar el videu ganador del ""Primer Certame de Videu Promocional de la Mancomunidá d'El Cabu Peñes en Llingua Asturiana"", actu que va celebrase'l vienres 27 de xunu nel Centru Polivalente de Candás a les 20:00 hores y del que son ganadores los alumnos/es de primeru de bachiller del IES Cristo del Socorro de Lluanco.

El videu, d'un llargor d'unos 5 minutos, cuenta cola lletra de los testos de dos autores d'estes tierres: ""Gozón, Imaxe a Imaxe"" d'Aurelio Ovies y ""Carreño Suaña"" de Xurde Fernández.

La presentación cuntará cola actuación de Jorge Tuya y Luis Estrada, ""Dúo Astur"", dos de los grandes de la escena asturiana y de les voces fundamentales de la tonada contemporánea."